RHAGOLWG: CEGIDFA (A)

Yn nhrydydd gêm gyfeillgar cyn y tymor i’r Du a Gwyrdd yn 2025, bydd tîm Callum McKenzie yn teithio i’r dwyrain i wynebu Cegidfa o'r JD Cymru North, wrth i’r rheolwr newydd barhau i asesu ei garfan cyn gêm gynghrair gyntaf y tîm ymhen tair wythnos.

Mae cefnogwyr Tref wedi cael y cyfle i fwrw golwg dros nifer o chwaraewyr newydd hyd yn hyn, gyda phobl fel Desean Martin, Star Mayemba a Sam Paddock yn denu’r llygad ochr yn ochr â nifer o chwaraewyr lleol a chynhyrchion yr academi.

Mae’r Guils wedi hen ennill eu plwyf yng Ngogledd Cymru ac wedi cael sawl tymor da iawn yn ddiweddar, gan orffen yn gyson ym mhen uchaf yr ail haen a chynhyrchu chwaraewyr sydd wedi mynd ymlaen i gael gyrfaoedd rhagorol yn Uwch Gynghrair Cymru; Adam Davies, Sam Litchfield ac Iwan Lewis yw dim ond ychydig o enghreifftiau sydd wedi cynrychioli Aber ar ôl ymddangos i’r tîm cartref ddydd Mawrth.

Y tymor diwethaf, gorffennodd Cegidfa yn 6ed yn JD Cymru North, gan sicrhau 13 buddugoliaeth a 6 gêm gyfartal o'u 30 gêm a gorffen dau safle yn uwch na'r tymor blaenorol. Maent yn cael eu rheoli gan gyn-ymosodwr a rheolwr ATFC, Gavin Allen, a gymerodd yr awenau gan Matt Burton yng nghanol y tymor diwethaf.

Stadiwm Recriwtio PRS yw enw cartref y Clwb bellach a gellir dod o hyd iddo drwy ddilyn y cod post SY21 9ND.